मतगणना आज रातिबाट नै सुरु हुने : निर्वाचन आयोग

3 वर्ष पहिले प्रकाशित

(2079-08-04 B.S.)

2992 पटक देखिएको

काठमाडौं ,४ मंसिर

प्रदेश सभा र प्रतिनिधि सभा सदस्यका बिहान ७ बजे देखि ५ सम्मको भइरहेको निर्वाचनको मतगणना आज रातिबाटै सुरु हुने भएको निर्वाचन आयोगले जनाएको छ ।

निर्वाचन आयोगका प्रमुख निर्वाचन आयुक्त दिनेशकुमार थपलियाले काठमाडौं लगायत तराईका जिल्लाहरु आज राति ९ बजेबाट नै मत गणना शुरु गरिने जानकारी दिएका दिनु भएको छ ।

आज बिहान भक्तपुरको युनिक नेपाल एकेडेमी केन्द्रबाट मतदान गरेपछि सञ्चारकर्मीसँग कुरा गर्दै थपलियाले भने, ‘आज ५ बजे मतदान कार्य सम्पन्न हुनासाथ सबै मतपेटिकाहरु संकलन गर्ने कार्य प्रारम्भ हुन्छ, ७ बजेसम्म मतपेटिका संकलन गर्ने र एक घण्टा छलफल गरेर आजै राति ९ बजेदेखि मतगणना कार्य प्रारम्भ हुने उहाँले बताउनु भयो ।

हिमाली जिल्लामा भने मतपेटिकाहरु आज नै जम्मा गर्न नसकिने भएकाले भोलि बिहान ५ बजेबाट नै मतगणना सुरु गर्ने उहाँले बताउनु भयो । निर्वाचनमा ७० प्रतिशतभन्दा बढी मतदान हुनेमा आयोग विश्वस्तको उनको भनाई छ । उनले प्रत्यक्षतर्फको नतिजा आगामी ८ दिन भित्रमा प्रकाशित गर्ने तथा मंसिर २२ गते भित्र सबै नतिजा राष्ट्रपतिलाई बुझाइउने लक्ष्यका साथ आयोगले काम गरी रहेको उहाँले बताउनु भयो ।

मतदान केन्द्रहरु मत खसाल्न बिहानै देखि आम सर्वसधारण मतदाताहरु लाइनमा बसेको तथा देशभरी निर्वाचनको उल्लास देखिएको आयोगको ठहर रहेको छ ।