पुर्व राजा ज्ञानेन्द्र शाहलाई जेल हाल्नुपर्छ : सांसद साह

2 वर्ष पहिले प्रकाशित

(2080-08-13 B.S.)

7089 पटक देखिएको

निरन्जन कुमार साह

महोत्तरी , मङ्सिर १३ गते

राजा बिरेन्द्रको हत्या गर्ने पुर्व राजा ज्ञानेन्द्र शाहलाई जेलमा राख्नुपर्ने मधेश प्रदेश सांसद भरत प्रसाद साहले बताएका छन् । मंगलबार संसद भवनमा आफ्नो मन्तव्य राख्दै । साहले पुर्व राजा ज्ञानेन्द्र शाहलाई जेल हाले पछी मात्र देशको विकास सम्भव हुने बताएका हुन् । संघिय लोकतन्त्र जोगाउन सम्पूर्ण दल मिलेर अब आगाडी बढ्नुपर्ने समय आएको उनको भनाई छ ।

२०५८ साल जेष्ठ १९ गते राज परिवारको हत्या भयो , उनले भने , “जसमा पुर्व राजा ज्ञानेन्द्र शाहको हात थियो । स्पस्ट देखियो । त्यतिबेला माऔवादी र सात दल बिच १२ बुँदे सहमती भयो । जसमा त्रुटी रह्यो । राजा ज्ञानेन्द्र शाहलाई हत्याको आरोपमा जिल्ला अदालतबाट मुद्दा चलाएर जेल हाल्नु पर्थ्यो । अनि मात्र देशको संघयता बलियो हुन्थ्यो।”

संघियता लोकतान्त्रिक व्यवस्थालाई घात पुर्याउनको लागि कहिले मिटर व्याजी नाममा आन्दोलन त कहिले राजा आउ जस्ता अराजकता फैलाउदै यो लोकतन्त्र माथी प्रहार गरिरहेको उनको तर्क थियो । यसमा सम्पुर्ण दल पार्टी मिलेर सामना गर्नु पर्ने देखिएको र देशमा विपत्ति आएको बखत मधेसी आगाडी बढेर देशको रक्षा गरेको उनको भनाई छ ।

बिगतमा भएको आन्दोलनबाट गरिव, दलित जनसमुदायको अझै उपलब्धि भएको छैन , उनले भने , “सबै आन्दोलन सहमतिमा टुंगियो तर राजालाई कारवाही गर्न नसकेको कारण आज संघियता पनि खतरामा देखिएको छ । केहि मानसिकता बिग्रेको व्यक्तित्वको कारण एक दशक जनयुद्ध पश्चात आएको व्यवस्था परिवर्तन गर्न केहि व्यक्तित्वहरु लागि परेको छ । यसमा सम्पूर्ण राजनैतिक दल मिलेर संघियतालाई जोगाउनुपर्ने देखिन्छ।”