नवनियुक्त मन्त्री भरत साहले शपथ ग्रहण गरेसँगै गरे जनताको पक्षमा गरे यस्तो निर्णय

2 वर्ष पहिले प्रकाशित

(2081-02-25 B.S.)

1318 पटक देखिएको

निरन्जन कुमार साह

महोत्तरी , जेठ २५ गते

मधेस प्रदेशका नेकपा माओवादी पार्टीका नेता तथा मन्त्री साहले शपथ ग्रहण गरेसँगै जनताको पक्षमा केहि निर्णय गरेका छन् । साहले शुक्रबार अर्थ मन्त्री पदमा शपथ ग्रहण गरे पश्चात उनले आर्थिक वर्ष २०८१/८२ को बजेट तथा कार्यक्रमलाई वस्तुनिष्ठ , अनुमानयोग्य एवं पारदर्शी बजेट निर्माण कार्य व्यवस्थी बनाउन र बजेट तर्जुमा प्रक्रिया लाई जनताको वास्तविक आवश्यकता र समग्र प्रदेशको समृद्धिमा योगदान पुर्याउन तोकिएकै समय भित्र अगामी आर्थिक वर्ष २०८१/८२ को बजेट तर्जुमा गर्ने गराउने सम्बन्धमा निर्णय गरेका हुन् ।

मन्त्री साहले प्रचलित कानुनी व्यवस्था अनुसार तोकिएकै समय भित्र यस मधेस प्रदेश भित्र मधेस प्रदेशको बजेट तथा कार्यक्रम ल्याउने गरि आवश्यक तयारी गर्ने , मधेस प्रदेशको गरिबी निवारण उत्पादन वृद्धि र सामाजिक न्याय सहितको आर्थिक समृद्धि पहिलो प्राथमिकता हुने , वितिय संघीयता सफल कार्यान्वयन प्रदेशको आयमा बढोत्तरी प्रदेशको सन्तुलित विकास र समन्यायिक बिकास लाई प्राथमिकतामा राखी बजेट तर्जुमा हुने र नागरिकले प्रदेश सरकारबाट सहयोगको अनुभुति पाउने गरि प्रदेश सरकारबाट हुने खर्चलाई प्रभावकारी बनाउन ध्यान दिने निर्णय गरेका हुन् ।

अर्थ मन्त्री साह लगायत मुख्यमन्त्रीमा जनमत पार्टीका सतिशकुमार सिंह उद्योग, वाणिज्य तथा पर्यटनमन्त्रीमा युवराज भट्टराई , भौतिक पूर्वाधार विकास मन्त्रीमा नेकपा एमाले संसदीय दलका नेता सरोजकुमार यादव , शिक्षा तथा संस्कृति मन्त्रीमा राजकुमार लेखी , स्वास्थ्य तथा जनसंख्या मन्त्रीमा शत्रुधनप्रसाद सिंह , खेलकुद तथा समाजकल्याण मन्त्री प्रमोद जयसवालले पद तथा गोपनियताको शपथ लिएका छन् ।