सोनमा-४ मा नेकपाको कार्यक्रता भेला तथा प्रशिक्षण कार्यक्रम सम्पन्न

5 वर्ष पहिले प्रकाशित

(2077-09-21 B.S.)

3717 पटक देखिएको

पुष २१ ,सोनमा

आज नेपाल कम्युनिस्ट पार्टी नेकपाको सोनमा गाउपालिका वडा न.४ खेश्राहामा अगुवा कार्यकर्ताको भेला तथा प्रशिक्षण कार्यक्रम सम्पन्न भएको छ ।

पुर्व गाबिस अध्यक्ष राधे श्याम झाको अध्यक्षतामा सम्पन्न भएको उक्त कार्यक्रममा प्रमुख अतिथि नेकपाको जिल्ला अध्यक्ष राजु खड्का ,अतिथि मा प्रदेश कमिटि सदस्य रजी हैदर,प्रदेश कमिटि सदस्य तथा गौशाला नगरपालिकाको सल्लाहकार विजय साह , विद्यार्थी नेता सरोज यादव ,अनेरास्ववियुका युवा नेता सूर्यनारायण साह ,जिल्ला सदस्य अजय झा लगायत अन्य स्थानीय सदस्यहरुको उपस्थिति रहेको थियो ।

विद्यार्थी नेता सरोज यादवले आफ्ना मन्तव्य राख्दै भने, 'प्रधान मन्त्रि केपी ओलीले पार्टीको कुनै पनि निर्णय नमान्ने र आफ्नो स्वार्थको लागि मात्र संसद बिघटन गरेको हो' ।संघियता र लोकतन्त्र ल्याउनको लागि जनता हरुले धेरै संघर्ष र युद्ध पनि गरेका छन् र अहिलेका वर्तमान प्रधान मन्त्रिले संघियता र लोकतन्त्रमाथि संघात पुग्ने गरि निर्णय गरिएको संसद विघटन गरिएको असंबैधानिक हो भनेर उनले आरोप लगाएका छन् ।

त्यसैगरि प्रदेश कमिटि सदस्य तथा गौशाला नगरपालिकाको सल्लाहकार विजय साह भने, 'दस बर्ष जनयुद्ध पछी लोकतन्त्र र संघियताको स्थापना भयो । जनताले ठुलो मत दिएर नेकपालाइ जितायो केपी ओली शर्मा र प्रचण्ड बीच अढाई अढाई बर्ष प्रधान मन्त्रि बन्ने सम्झौता भयो तर अढाई वर्ष पुग्ने बितिकै संसद बिघटनले सम्पूर्ण देश वासीलाइ चोट पुर्याएको उनले बताएका छन् ।अहिले केपी ओली पक्षले केन्द्रिय समिति बनाउने अभियान नै चलाएको छ पार्टी कार्यकर्ता समाती समाती केन्द्रिय समिति बनाइ फुल माला लगाउने गरेका छन्' ।

प्रमुख अतिथि नेकपाको जिल्ला अध्यक्ष राजु खड्काले भने, 'प्रचण्डले भन्यो कि घरबिहिन ,जनता,सुकुम्बासी जनता ,निमुखा जनता ,बेरोजगार जनताहरुको लागि यो बहुमतको सरकारले काम गर्नु पर्छ भन्दा खेरि प्रधान मन्त्रीले कुरा नमानेर असंबैधानिक संसद विघटन गरेका छन्' ।